البرامج الغذائية طبعا بتكون مصممة ليك بشكل مخصص طبقا لبياناتك ومستواك واهدافك وحالتك الصحية واسلوب حياتك وغيره، وهنا انت مش | بس بتاخد خطة تغذية بناء على تفضيلاتك الشخصية في الاكل لا انت كمان بتعرف السعرات والماكروز لكل وجبة وللنظام اجمالي عشان تعرف تكمل لوحدك بعد كدا ، وكمان بعلمك ازاى تحسب اكلك وتحقق سعراتك والماكروز بتوعك على مدار اليوم، دا غير ان البرنامج الغذائي طبعا بيراعى أسس ومبادئ التغذية السليمة لتحسين صحتك وادائك ونشاطك وتركيزك وقوتك وانتاجيتك بجانب جسمك طبعا... البرامج التدريبية بتكون مصممة برضو ليك بشكل مخصص طبقا لبياناتك ومستواك واهدافك واصاباتك وظروف حياتك وغيره، وبيكون مرفق مع البرنامج التدريبى كافة البيانات من اشكال تدريبية لمجاميع لعدات لراحة لتيمبو لشدة التمرين لملحوظات وغيره، وطبعا كل الاشكال التدريبية مرفق معاها فيديوهات شرح وتعليم الاداء الصحيح، وكمان بقدملك خدمة مراجعة وتصحيح الادائات التدريبية عشان اضمن انك بتتمرن بشكل فعال وامن تماما، وكمان بيكون عندك ميزة انك تسجل تمرينك واوزانك وعداتك كل اسبوع من خلال الابلكيشن بسهولة جدا ودا لمراجعتها بنفسي كل اسبوع عشان اضمن انك بتتطور فعلا بشكل مستمر على مدار الوقت..

هنا بحددلك الفيتامينات والمعادن والمكملات اللى انت محتاجها او الناقصة من نظامك الغذائي ولكن دا بيكون بناء رغبتك اذا كنت حابب تاخد مكملات اصلا او لا دا يرجعلك، ولكن المكملات ليها فئات واقسام كتير زى مكملات تخص الصحة ومكملات تحسين الاداء ومكملات خسارة او زيادة الوزن وغيره، فالازم يتحددلك اهم المكملات اللى تناسبك وتناسب خطتك وتناسب حالتك الصحية طبعا، واختيار المكملات هنا مش بيكون عشوائي بالعكس انا بحطلك المكملات المضمونة والامنة واللى عليها ادلة علمية قوية تدعمها وتاريخها واستخدامها بين الناس فعال وامن فعلا، وطبعا بحطلك المكملات بأسامى الشركات اللى تجيب منها وتتعامل معاها عشان اضمن انك بتستخدم مكملات نضيفة وجودتها عالية فعلا.. وطبعا بحددلك الجرعات بالمواعيد لان فى مكملات كتير جدا امنة ولكن فرط الاستخدام والجرعات الخاطئة فى اى حاجة حتى لو صحية هيكون ليها تأثير سلبي عليك وهتضرك عشان كدا انا بحددلك جرعات المكملات بعناية واللى بعضها بيكون مرتبط بنظام تغذيتك كمان، والمواعيد من العوامل المهمة جدا اللى بيقع فيها ناس كتير لان فى مكملات وفيتامينات لو اتاخدت في توقيت غلط مش هتاخد منها افضل امتصاص في جسمك ولا افضل استفادة كمان فاهتبقى بتضر نفسك وبتضيع وقت حرفيا..

بيتحددلك كمان فى البرامج خطة وروتين الكارديو اللى بتلعبه سواء ايام التمرين او ايام الراحة وبيكون بكافة التفاصيل زى نوع الكارديو وحجمه وشدته وتوقيته وغيره،، دا غير طبعا تحديد الخطوات اللى بخليك تحققها يوميا.. اما نظام المتابعة فهو بيتم بشكل يومى من خلال الابلكيشن وهو انك بتسجل اكلك وتمرينك والكارديو ووزن جسمك وشرب المياه وعدد ساعات النوم، ودا كله انا براجعه اسبوعيا عشان احدد مدى التزامك وانضباطك واستمراريتك على الخطط والبرامج بشكل فعلى على مدار الاسبوع...